/KASE, 01.08.2014/ – Бұрын хабарлағандай, Қазақстан қор биржасының
(KASE) Биржалық кеңесінің 2014 жылдың 10 шілдесіндегі шешімімен "Толық
қамтамасыз етілген Т+0 сызбасы бойынша бағалы қағаздармен жасалған
мәмілелер бойынша есеп айырысу жүргізу (гросс-есептеулер) регламенті"
(Регламент) атты KASE ішкі құжатына енгізілген № 2 өзгертулер мен
толықтырулар (түзетулер) бекітілді.
Түзетулер Қазақстан Республикасы Ұлттық Банкіне 2014 жылдың
29 шілдесінде мақұлданып, 2014 жылдың 06 тамызынан бастап қолданысқа
енгізіледі.
Түзетулер мынадай мақсаттарда енгізілді:
- сауда-саттыққа қатысушыларын бірінші топтан екіншісіне ауыстыру
тәртібі мен мерзімін өзгерту;
- арнайы мамандандырылған сауда-саттыққа қатысушының сауда-саттық
шотында бағалы қағаздардың жетіспеушілігі себебінен мәмілелер
бойынша есеп айырысулардың орындалмауының алдын алу;
- тұрақсыздық төлемін (айыппұлды) төлеу тәртібін анықтау;
- редакциялық, соның ішінде қайталанатын нормаларды жоққа
шығаратын, және Регламенттің құрылымын жақсартуға бағытталған
нақытаулар енгізу.
Биржалық кеңестің аталмыш шешімімен, 2014 жылдың 13 мамырында
бекітілген, Регламентке № 2 өзгертулер мен толықтырулар енгізу туралы
шешімі өз күшінен айырылды деп мойындалды.
Регламенттің жаңартылған мәтіні, түзетулер мақұлданғаннан кейін, KASE
интернет-сайтында
http://www.kase.kz/files/normative_base/reglament_t+0.pdf
мекен-жайы бойынша жарияланады.
[2014-08-01]