/KASE, 24.07.17/ – 2017 жылдың 24 шілдесінен бастап Қазақстан қор
биржасының (KASE) Индекстер және бағалы қағаздарды бағалау
комитетінің (бұдан әрі - Комитет) шешімімен Қазақстан Республикасының
мемлекеттік индекстелмеген облигацияларының (бұдан әрі – МБҚ) бірінші
тобына жататындардың (өтеу мерзімі 2 520 күн) нарықтық бағалауын жүзеге
асыру мақсатында, бағалау датасына дейінгі 40 күнтізбелік күн барысында
жасалған мәмілелердің параметрлері және екінші тобына жататындардың
(өтеуге дейін 100 және одан аса күн қалған индекстелмеген МБҚ) нарықтық
бағалауын жүзеге асыру мақсатында, бағалау датасына дейінгі
160 күнтізбелік күн барысында жасалған мәмілелердің параметрлері
қолданылады.
Бағалы қағаздарды бағалау әдістемесіне сәйкес, индекстелмеген МБҚ
өтелуіне кірістілігі бойынша бағаланып, оның мәні әр бағалы қағаздың
өтелуіне дейінгі мерзіміне қарай белгіленген қосалқы топтар шегінде
анықталатынын еске саламыз. Бұл ретте, өтелуіне кірістілігінің мәні өтеуге
дейінгі қалған күндер санына байланысы полиноминалды трендтің бір
теңдеуімен дәлірек сипатталатын, бағалы қағаздар бір топқа енгізіледі. Әр
топ үшін полиноминалды трендтің теңдеуі, осы таптағы МБҚ-мен биржада
бағалау датасының алдында белгілі уақыт аралығында (бұдан әрі және
тақырыптамада – Базалық кезең) барысында жасалып, орындалған
мәмілелердің параметрлерін жуықтату арқылы анықталады, оның
ұзақтылығы Комитетпен орнатылады.
Базалық кезеңнің ұзақтылығын Комитет мынадай шарттармен белгілейді:
Базалық кезең кемінде 40 күнтізбелік күн және 360 күнтізбелік күннен аспауы
тиіс, оның ұзақтылығы күнмен көрсетіліп, 20-еселік болуы тиіс, кезең, осы
қосалқы топқа кіретін, МБҚ үшін 25 нәтижелі күнді қамтуы тиіс.
2017 жылдың 24 шілдесіне дейін екінші топтағы индекстелмеген МБҚ
нарықтық бағалауын жүзеге асыру мақсатында, бірінші топ үшін ұзақтығы
60 күнтізбелік күн, екінші топ үшін – 180 күнтізбелік күн қолданылған.
Әдістеменің 20-тармағының 1 тармақшасына сәйкес, нарықтың ағымдық
конъюктурасына нарықтың баға мәнін жақындастыру мақсатында, бірінші
қосалқы тобындағы МБҚ үшін Базалық кезең 20 күннен 40 күнге дейін
қысқартылып, 160 күнді құрайтын болады.
Әдістеменің мәтіні KASE интернет-сайтында
http://www.kase.kz/files/normative_base/met_ocen_zb.pdf мекен-жай бойынша
қолжетімді.
Әдістемеге және нарықтық бағаларды есептеу тәртібіне байланысты
сұрақтар бойынша KASE Ақпарат және талдау департаментіне
(727) 237 53 18 тел., e-mail: info@kase.kz арқылы хабарласуға болады.
[2017-07-24]