/KASE, 07.11.23/ – "Tengri Partners Investment Banking (Kazakhstan)" АҚ
(Алматы) Қазақстан қор биржасына (KASE) 2023 жылдың қазан айында
Қазақстанның өңдеуші салалары мен қызмет көрсету салаларының
Purchasing Managers' Index (PMI) индекстерін ұсынды.
Төменде "Tengri Partners Investment Banking (Kazakhstan)"АҚ басқарушы
серіктесі және инвестициялық директоры Әнуар Үшбаевтың пікірі
келтірілген.
- Қазақстанның өңдеу салаларының индексі бойынша:
"Белсенді өсу кезеңінен кейін оның қазан айында кенеттен тоқтап қалғаны
алаңдаушылық тудырады. Сұраныстың төмендеуі ұзақ мерзімді құлдыраудың
басталуы емес, уақытша сәтсіздік деп үміттенеміз.
Компаниялар, өсу қарқынының баяулауына қарамастан, штаттардың
кеңеюін және сатып алу белсенділігін арттыруды жалғастыратындай
дәрежеде, бес жылға жуық деректерді жинау кезінде дайын өнім қорын
рекордтық көлемге дейін ұлғайта отырып, болашаққа сенімді болып отыр".
- Қазақстанның қызмет көрсету саласының индексі бойынша:
"Жылдың соңғы тоқсанының басталуы Қазақстанның қызмет көрсету
саласының өсуінің жалғасуымен ерекшеленді. Іскерлік белсенділік пен жаңа
тапсырыстардың көлемі сәйкесінше сегізінші және оныншы ай қатарынан
өсуде. Компания өкілдерінің айтуынша, ағымдағы өсу сұраныстың негізгі
тенденцияларының жақсаруымен түсіндіріледі. Бұл ретте деректер өсудің
әлсірегенін де көрсетеді: өңдеу өнеркәсібінде де, қызмет көрсету саласында
да оның қарқыны баяулады. Сонымен қатар, компаниялар қызметкерлерді
ұстап қалуда қиындықтарға тап болады, бұған қызметкерлерді жұмыстан
шығару туралы көптеген есептер дәлел бола алады. Кейбір құлдырауға
қарамастан, компаниялар оптимизмді сақтайды, оның деңгейі 15 айдағы ең
жоғары деңгейге көтерілді".
Шолулар KASE интернет-ресурсында жарияланды:
-
https://kase.kz/ru/pmi-indicator/ – орыс тілінде;
-
https://kase.kz/en/pmi-indicator/ – ағылшын тілінде.
[2023-11-07]